ГӀаьнтамаранаькъан Мухьаммада шоллагӀа моттиг ера вай мехкá
01.07.2024 09:16
Ший лоӀамеча латарах йолча Европа яхьашка шоллагӀча лагӀа тӀа ваьлар вай спортсмен ГӀаьнтамаранаькъан Мухьаммад. Из хоам «Сердалога» бир спорта оагӀон болхлоша
«Къона спортсмен «Вольник» яхача спорта клубагара дакъа лоацаш вар Сербе дӀайихьача яхьашка. Туркий, Гуржий, Эрмалой мехкашкарча спортсменашца летар вай мехкахо. Яхьашка котваьлар Сайдулаев Мовсар», - йоах тхога бенача хоамо.
110 кг дозал даршта юкъе ший говзал дӀахьокхаш хилар вай мехкахо.
