«Музейшкара бийса» яхача ерригача Россе боламе дакъа лоацаш я вай ИЗО музей
13.05.2025 12:41
Укх бетта 17-ча дийнахьа, берригача мехка дӀаболабергба «Музейшкара бийса» яха болам. Мах бала ца безаш, тайп-тайпарча гойтамашка дакъа лаца йиш йолаш хургба бахархой. Боламе дакъа лаца мел ловраш тӀаэцаш, ший наӀараш хьаелларгья паччахьалкхен музейс.
«Кхолламах, гойтамех йизза йола йицлургйоаца сайре кийчъяьй ГМИИ болхлоша бахархошта лаьрхӀа. Мах бала ца безаш экскурсеш, гойтамаш, хьокхамаш (говзанч-хьехамаш), иштта кхыдараш хургда музее. Кердача бувзамий, дог гӀоздоаккхаш йола сайре хургья цох», - дийцар музее. Дакъа лаца безам мел барашка ИЗО музее хьеж кхоалагӀчох ах сахьат даьлча маьтсела бетта 17-ча дийнахьа.
