Мехктохкама музейс бувзам лелабергба «Хьалхарчар боламца»
ГӏалгӀайчен Малсаганаькъан Т. Х. цӀерагӀча паччахьалкхен мехктохкама музее дӀадихьар, моттигерча «Хьалхарчар болама» кулгалхочо дакъа а лоацаш, герга истол. Цига дийцар кагирхошта Даьхенцара безам совбоаккхаш кхетам бала безарах, цар кхоллама болх дегӀабоалабе безарах, хьалхале лелаеча юкъарча вахаре уж дукхагӀа юкъекхувла безарах.
«Йоккха терко тӀаяхийтар «Хьалхарчар боламца» мехктохкама музейс дӀахойодача хана бувзам лелабара. Исторически дагалоаттама проекташ кхоачашъяра, кхувш йоагӀача тӀехьенна луш бола кхетам лерттӀа дегӀабоалабу наькъаш харжара. Шоайла дагабоалаш, безаме дӀадихьар вӀашагӀкхетар», - аьлар «Сердало» газетага Паччахьалкхен мехктохкама музее.
Цига гулбеннараша белгалдаьккхар, культурни тӀехьале царна йовзийташ, уж лерттӀа дегӀабоагӀаш хиларо доккха дакъа дӀалоацилга. Из гӀулакх ноахалгара ноахалга кхоачаш, ший къаман культуран лоархӀамедараш лорадеш дӀахьоргда.
