«Тарханы» яхача музея «Лермонтов-суртанча» яха гойтам бахьаргба вайцига
03.10.2023 16:10
ГӀалгӀайчен культуран министерстве «Сердало» газетага хоам бир, ардара бетта 11-ча дийнахьа, вай къам мехкахдаккхара дагалоаттама Мемориала гойтама зале «Лермонтов-суртанча» яхача гойтамо ший болх дӀаболабу, аьнна. Цига вай бахархой а хьаьший а таро хургья Паччахьалкхен «Тарханы» яхача Лермонтовски музеера-заповедникера хӀамаш го.
Наха довзаргда Лермонтов М.Ю. шийл дикагӀа кхы воацаш поэт, дика ашархо, математик, шахматист хинна а ца Ӏеш, начӀал дола шахматист хиннилга», - аьлар тхога хоам баьчо.
Ховш да, дикагӀа бола Лермонтова кхоллама болх Кавказаца бувзабенна хиннилга. Цун кхоллам нийсбеннаб; из, мехкахваьккха, Кавказе хьавайтача хана. Лоаман мехка хозалах дог диза хиннача поэта, Лермонтов Михаила сурташца белгалъяьхай из хозал, цул тӀехьагӀа шийна дайначох, дайзачох хьадаьд цо тайп-тайпарча жанрашта чудоагӀа балхаш.
