Республикера драматически театр, ший хьажархой гулбе кийчлуш да
11.11.2024 11:38
Хьажархой гулбе кийчлуш да республикера эрсий драматически театр. Островский Александра язъяьча пьесах «ХӀама хьатӀадоагӀа моттиг» яха спектакль гойтаргья актёраша укх бетта 19-ча, 20-ча деношка. Из хоам «Сердалога» бир цу моттига зарбан болх лелабераша.
«19-ча бӀаьшерера ха я халкъа артист волча Лаьнанаькъан Ахьмада оттаяьча спектакле гойтар. Керттера режиссёр, актёраш шоай болх боаггӀача боараме дӀагойта гӀерташ къахьегаш хиннаб. Актёраша гойт, кхааш ийдара гӀулакх. Шин оагӀонца декъаденна да гӀулакх - кхааш ийдой, наха лоархӀаш, шортта хӀама долаш ваха аьттув ба хьа; кхааш ийдеш ца хуле, къел токхаш хургва хьо», - дийцар газетага.
Теркаме эца деза, «Пушкина карта» яхача программага гӀолла, билеташ Ӏалашде мехкахой йиш йолга.
