ХӀилла лелаеча тӀаьргахоша вай мехкахочунгара 220 эзар сом даьккхад
24.06.2024 12:26
220 эзар сомá Ӏехаваьв респбликера вахархо интернетерча зуламхочо. Из хоам «Сердалога» бир Ӏаьдала болхлоша.
«Наьсарен кхален полице болхлой болча латкъа венав Ӏехавенна вахархо. Цо дийцачох, интернетага гӀолла 220 эзар сом ахча дӀадаьккхад цунгара, лакха мах болча лоархӀамеча каьхаташца, ахчанца базар еш ва ше, аьнна, Ӏехаваь. Ахча каракхаьча зуламхо, телефон хьа ца эцаш, вайна дӀаваьннав», - йоах полице болхлоша.
МВД болхлоша массахана кхайкадеш латт бахархошка; боккъал а ма Ӏехадайта шоаш зуламхошка, вӀалла малашб ца ховча нахаца йохкар, эцар ма леладе, фийла хила, кӀеззига уйла еш хила оашош леладечун, яхаш! Интернетага гӀолла лелаю базараш йита, тешаме ца хетача нахацара бувзам бӀаьх ма бе!
