Даьла духьа дӏахьош хиннача кхетаче, 3 058 386 сом ахча гулдир
«Дикача наьха клуб» яхача оагӏоно, ший итт шу дизара хетаяь дӏахьош хиннача «Дегагара дегага» яхача кхетаче, 3 058 386 сом ахча гулдир. Из хоам «Сердалога» цу моттигера бир.
Хӏара шера дӏакхухьаш йолча кхетаче, тайп-тайпара лоташ гойташ, аукцион дӏайихьар. Цул совгӏа, кхетаче дакъа лаца бийхача спорта, культураy оагӏонашцарча болхлоша, блогераша, журналисташа, иштта кхыбараша Даьла духьа ахча делар ганза, цо терко ерашта лаьрхӏа. Деррига а дӏалаьрхӏача, 3 058 386 сом ахча хилар цох», - дийцар тха газетага.
«Цхьаккха а дика гӏулакх ше-ше даржаш дац, къахьегам эш цу тӏехьа. Тха ганза болх къахетам, дика гӏулакхаш доаржадеш, хьаллоацаш ба. Даьла духьа шоай дегашка къахетам кхебеш болча наха гӏо деш, дуккхача мискашта новкъостал де аьттув боал тха. Из мах баь, хам баь варгвоацаш доккха да!» - аьлар «Дикача наьха клуб» яхача оагӏон хьалха латтача Матенаькъан Натас.
