«Мотоиччерхой взвода кулгал деш дӀаволавенна, цу тайпарча батальона хьалха лаьттар Боканаькъан Мустафа.

Россе Паччахьалкхенах ГӀирма хьатохаш йолча операце юкъе хилар, из деналах визза вола мехка воӀ. 2022-ча шера саькура бетта 24-ча дийнахьа денз, тӀема операцен юкъе дакъа лоацаш хилар, лозаваьчул тӀехьагӀа меттавоагӀаш ха яьккха, юха тӀема аренашка ваьлар. Лакха майрал, денал, яхь гойташ; лаьттар из! 2023-ча шера, бӀаьстан тӀеххьарча бетта 15-ча дийнахьа хаьдар цун вахар, шийна тӀадаьхка тӀема декхараш кхоачашдеш», - йоах хоамо.

«ГӀалгӀай лаьтта, Боканаькъан Мустафа дага ца лаьцача могаргдац сона! Дала сона вовзийта, деналах визза, къаман сийдола воӀ вар из. Запорожье тӀом беш латташ хаьдар цун вахар. 38 шу дузаш мара вацар из къаман, берригача мехка сий доаккхаш лаьтта саг», - аьлар Боканаькъан Мустафа вовзаш хиннача Рогов Владимира.

ХӀаьта цунна доккха баркал оалаш, къамаьл дир 58-ча ГӀибухерча тӀема куран эскаре декхараш токхаш болча бӀухоша, ветеранаша.

Россе исторе баха бисача вай къаман турпалхой сурташ дар гойтаме хьокха оттадаь. Боканаькъан Мустафай, иштта кхыболча тӀема операцен бӀухой сурташ дар цига. ДӀаяхача ханашка белгалбаьннача Россе турпалхошца цхьан мугӀаре латтар вай къаман сийдола къонгаш, Даьхен толашагӀа бола нах белгалбеш.