ГӀалгӀай мехка футбола яхьашка дикагӀа ловзар белгалвир
ГӀалгӀайчен ахканара зӀамигача футболах йола яхьаш дӀахьош, министерствошта, боахамашта, организацешта юкъерча ловзарий 2-ча бӀале дикагӀа ловзаш волчун цӀи яьккхар. Къовсамий оагӀон тӀа лакхара моттиг дӀалаьцар «Парламент» яхача тоаба викала Зурабанаькъан Ислама, яхаш, хоам бу «Сердало» газетага ГӀалгӀай Республикан футбола федераце.
«Массехк ловзар дӀахьош, Ислама нападающе декхараш дика кхоачашдир. «Парламенто» керттера лоархӀарех хилар «Баскетбола Федерацена» духьала хинна ловзар. Баскетболисташ эшабир цар чот 8:2 йолаш. ЛоархӀаме дакъа юкъедихьар цу къовсама Зурабанаькъанчо, цунна карагӀдаьлар диазза бургац чутоха, кхыйола бургацаш чутохача дакъа лаца», - йоах хоамо.
Говзанчаша яхачох, Ислама цу даькъ тӀара говзал лакха хиларах, цун тоаба котъяла тарлуш я чемпионате.
