Дагалоаттама, сийлен мемориале дӀахьош, «Мехка байракха кӀалха» яха болам ба
22.08.2024 11:12
ГӀалгӀай къаман дагалоаттама, сийлен мемориале дӀахьош «Мехка байракха кӀалха» яха, РФ паччахьалкхен байракха хетабаь болам ба. Из дӀахьораш ба мехкахбаьха хиннача наьха Мемориальни комплекса болхлой. Гулбеннарашта цар йийкъар байракхилгаш, цӀайна флаераш.
«Дуккхача къамех латташ болча, машар, барт, цхьоагӀо хьаллоацача боккхача мехка – Россе паччахьалкхен байракха Ди дездеш да вай тахан. ЦӀай долча дийнахьа из хьалхадаккха ловш дар тхо вай бахархошта, хьатӀабаьхкача хьаьшашта», - дийцар «Сердало» газетага болам дӀахьораша.
