Нах кхувлача машинашцарча кхоачамбоацарех, дийцар сага бокъонех волча викалга
13.08.2024 13:53
Бахархой тӀаийбу ди дӀадихьар тахан сага бокъонех волча викала ЦӀечой ИбрахӀима, промышленностах, таьрахьий гӀулакх доаржадарах йолча моттигерча Министерствон кулгалхо волча Дорджиев Бадмас.
«ВорхӀ саг тӀавера ЦӀечой ИбрахӀима, Дорджиев Бадмайна, шоай дехараш дахьаш. Наьха хаттараш дувзаденна дар бахархошта дӀа-хьа аха кхы а автобусаш хилийтарца, мехкахбаьха хиннарашта мах боацаш дӀа-хьа аха бокъо яларца, иштта кхыдарашца», - дийцар «Сердалога» бокъонаш лораечо.
Наха тӀадена дехараш тохкаш, боаггӀаш бола болх дӀахьоргба цига. Сага бокъонаш лораяр эггара керттерча моттиге латта дезилга хьагойт наьха хьашташ кхоачашдаро. Иштта бахархошта хьалхадаьккхар, моллагӀча моттиге ший бокъо лахара тӀехьа де дезар.
