Эса хи тӏа кастлуш хий хьалу гӏишло хьаергья
Гӏишлон балхаш дара йола тоаба хоржаш тӏаьрг дӏахьоргья ардара бетта 27-ча дийнахьа, аьлар республикан гӏишлошъяра Министерствон зарбан болх лелабераша.
«Контракт чӏоагӏъяьчул тӏехьагӏа болхлой тоабо хьалхара балха дакъа дӏадоладергда - Оалкама хий хьалу моттиг хьалъяра. Из проект кхоачашъеш эшар да 22 млн сом», - аьлар хоамо.
Из йоккха хургья 100 эзар кубометр хий ден-бийсан чулоацаш. Цу гӏулакхах болча болхлоша, моттигаша бе безача балха чудоагӏаш да керда хий чудиллар Оалкам юртагара Илдарха-Гӏалага, цох дӏакъастар Магӏалбик шахьарга кхоачаш.
Из болх чакхбаккхарца таро хургья хицара ӏалашо лоаттае Шолжа, Магӏалбика кхаленашка; Илдарха-Гӏалий тӏа, Шолже, Магӏалбик шахьаре, иштта юрташка Галашка, Мужеча даим хий лоаттаде.
Из беррига болх тӏаберзабаь ба Гӏалгӏайчен бахархой вахара хьалаш тоадара.
