Кулгалхочун декхараш кхоачашдеш волча подполковника Иленаькъан ИбрахӀима дӀайихьача кхетаче дийцар, дӀадахача шера баьча балхах. Цига дакъа лоацаш бар прокуратуран болхлой, сага бокъонех вола викал, СВО ветераний Союза доакъашхой.

Из хоам «Сердалога» бир ОФСИНа зарбан болх лелабераша. Иленаькъан ИбрахӀима дийцар балхацарча толамех, иштта юстардаха дезача кхоачамбоацарех. ОФСИНа болхлой белгалбир совгӀаташца, шоай декхараш дика кхоачашдарах. Грамоташ, баркал кхайкадеш дола каьхаташ делар СВО доакъашхошта гӀо дарах СВО ветераний Союза кулгалхочо.

Кхетаче чакхйоалаш, Иленаькъан ИбрахӀима теркалдир, тӀалатта декхараш бехктокхаме дӀадахьа дезилга, иштта массанена баркал оалаш къамаьл дир.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде