МагӀалбика кхале дийцар лоархӀаме дешаш
МагӀалбика кхале кхетаче дӀайихьар, эскаре тӀахьехарах дола лоархӀаме хаттараш къоастадеш, иштта цига дийцар тоаде дезаш дола доазонаш хьахаржарах, маьждигаш кийчде дезарах, кхы а дукха лоархӀаме моттигаш кийчъеш а лостамаш деш а къахьегама шоатта ди дӀадахьа дезарах.
Кагирхой эскаре тӀахьехаш йола еррига кхетаченаш шоай йоаггӀача беса ханнахьа дӀахьош я. Шоашка хоам хьакхаьчачул тӀехьагӀа, лорашка чакхбоалаш уж хила безилгах дийцар, тӀаккха цу хьалага хьежжа хьахоржаргба кагирхой эскаре баха.
Иштта дийцар, къаман проекта чудоагӀаш, тоаде деза доазонаш хьахаржарах. Кхален мэра гӀончас хьалхадаьккхар гулбеннараша из хоам юртахошка дӀакхачийта безилга.
Белгалду, Ерригроссийски къахьегама шоатта ди дӀахьош, керттера терко тӀаяхийта еза, къаман проекта чудоагӀаш, тоаде дезача доазонашта.
МагӀалбике цу тайпара кхоъ доазув белгалдир: Инаркъера сквер, Юкъерча Ачалкхенна, Южнерча ДК тӀабода никъ.
Гулбеннарашта дийцар «Коталон диктант» гаргагӀерта хиларах, из хургда бекарга бетта 25-ча дийнахьа, цунна чудоагӀар хургда Сийлахь-боккхача Даьймехка тӀемах лаьца, иштта СВОца дувзаденна. Цу исторически боламе дакъа лаца йиш йолаш ва моллагӀа саг.
