ГӏалгӀайчен доазон тӀа 24 тайпара лаьтта лела биъ ког бола дийнаташ да
04.10.2024 15:50
Цох хоам бир ГӏалгӀай Республикан Ӏалама Министерствос, Дерригача дунен хьайбай Ди белгалдеш. «ГӏалгӀайчен арешка, довкъашка, хи чу, хьунашка 60 тайпара кегий а доккха а шурах дакха дийнаташ лел, 24 тайпара лаьтта лелараш а долаш.
Иштта вайцига да хи чу а лаьтта а лела биъ ког бола 8 тайпа, 150 совгӀа бӀы беш дола оалхазараш. ГӏалгӀайчен Цӏеча Книжканна юкъедихьад 135 тайпа хьайбаш», - йоах хоамо.
Дуненна дукхагӀа долча мехкаша белгалду из ди, тайп-тайпара хьайбаш лорадара цӀаькха а наьха терко тӀаозаш. Цу юкъе массахана хьалха а доаккх, царех хӀарадар экосистеманна лоархӀаме а кхычунца хувца йиш йоацаш а долга.
