Вай заман керда машинаш я, шахьара урамашка болх беш
03.02.2025 12:51
«Чистодор» яха тӀехьагӀа яьнна толашагӀа йола машинаш я Наьсарера урамаш цӀендеш лелараш. Из хоам «Сердалога» бир шахьара администраце.
«Дика лоархӀаш йолча машинех я «Чистодор» яхар, тахан из хилар йоккха паргӀато луш да. Дуккха сихагӀа, аттагӀа цӀенду хӀанз урамаш; цул совгӀа, ший болх лакхача боараме чакхбоаккхаш машин я из», - дийцар администраце.
ХӀара денна араяьле, дӀаьха наькъаш тохкаш, йолаенна лел «Чистодор», шийна тӀехьа нувхех хӀама ца дуташ. Беркате хийла вайна из!
