Наьсарерча Гурьевски оалача урам тӀа асфальт булларгба
07.08.2025 10:07
200 метрал совгӀа болча Наьсарерча Гурьевски оалача урам тӀа асфальт буллаш, болх дӀахьоргба. Из хоам «Сердалога» бир шахьара администраце.
«ВорхӀ шу совгӀа ха я цига бахаш болча наха из урам тоабе, яхаш, тайп-тайпарча моттигашка дехар ду. Никъ тоабе безача хьале кхаьчалга гуш да. Цигара хьал тахка ваха хилар шахьара да вола Оздой Руслан, ший балха новкъосташца. Урамерча бахархошца къамаьл даь, хьатӀадоагӀа кӀира чакхдалале, асфальт Ӏобулларгба аьлар цо», - йоах тхога бенача хоамо.
Шахьара администраце иштта дола дехараш тохкаш болх дӀакхухь. Хьалха хинначун тара хургбоацаш, хоза тоабаь, куц хийца меттабоалабергба бувцаш бола урам.
