Шолжерча ЦӀеча партизаний урам тӀа керда асфальт Ӏобиллар
03.05.2024 11:32
Шолжерча ЦӀеча партизаний урам тӀа, могаш боацача наха дехар дарах, бархӀ сантиметр сома болаш, керда асфальт Ӏобиллар, яхаш, дийцар «Сердало» газетага шахьара администраце.
«Тхо хьожаш да, наха дика шахьара хьалаш хьакхолла, вай берригача бахархошка уж кхачийта, дӀахо а хьожаргда наьха вахара хьалаш тоаде», - аьлар Ӏумаранаькъан Аслана, из вена хилар ший гӀончаца Беканаькъан Халатаца цига деш латтача балхашка хьажа.
Болхлой, говзанчаш 560 метр бӀаьхача урам тӀа болх беш ба, дика асфальт Ӏобуллаш. ДӀахо наькъаш дӀа-юха ластачара моттигаш а тоаергья, дика а кхераме боацаш а никъ хургболаш.
Из да наьха вахара хьалаш тоадара хьадеш дар. Керда наькъаш, вахаре эша гӀишлош итташ шерашка ерригача республике гӀолла накъайоалаш латтаргья.
