80 метрага кхоачаш йола хин турбаш хийцар МагIалбике
18.07.2024 15:43
МагIалбикерча Красноармейски оалача урам тIара тишъенна турбаш дIа а яьха, 110 мм йола керда, дикагIа турбаш чуяьхкар. Из хоам «Сердалога» бир хий лоаттадеча оагIон болхлоша.
«80 метрага кхоачаш йола турбаш я хийцараш. ХIанзчул тIехьагIа боаггIача боараме хьадоагIаргда бахархошта хий», - йоах хоамо.
Белгалде деза, из болх вай мехкарча ерригача юрташка, шахьарашка дIакхухьаш латтилга. Ахкан ха хьаэттача бахархой чIоагIа са хьовзадеш гIулакх да из вай мехка. Хий ца хилча, наьха мел дола гIулакхаш совц. Из хьал аттачахьа даккха гIерташ, хIара денна болх дIакхухь мехка.
