МагӀалбикера Ватутина оала урам тоабеш баьхкар болхлой
13.08.2025 09:52
Ватутин Н.Ф. цӀи лелаеш бола урам тоабеш болх дӀабихьар, МагӀалбикерча бахархой дехар кхоачашдеш. Из никъ лертӀа хургбар де, яхаш, бахархой леткъа дукха ха яр.
«Шахьара администрацена хьалха латтача Галай Мусас тӀадилла, чакхбаьккхар из болх. Керда асфальт Ӏобилла, паргӀатта дӀа-хьа ваха йиш йолча хьале ба хӀанз никъ. Бахархошта доккха совгӀат хилар цу гӀулакхах. ХӀалха кхерамеча хьале хинна из моттиг тахан кердача куцаца бахархой гӀадбугаш я», - дийцар «Сердалога» шахьара администраце.
МагӀалбикера наькъаш тоадеш бола болх дӀахо а дӀабахьа лерхӀ. Шахьарерча хьакимаша эггара керттерчарех лоархӀ, наькъий хьал тоадара гӀулакх.
