МРГ кхетаче, вай респблике 21, 4 эзар сага болх бе моттигаш вӀаштӀехььяхарах дийцар
РФ вице-премьер йолча Голикова Татьянас кулгал деш дӀайихьача йоккхача кхетаче дийцар, МОТ оагӀонах гӀалгӀай республикера балха моттигаш цатаар 13, 5% кхоачаш лохдарах, мехка 21,4 эзар сага болх бе моттигаш Ӏалашъярах, колледжашка дийша арабаьннарашта болх хилийтар 16% кхоачаш тоадар, лакхарча дешара моттигашка дийшараш 50% кхоачаш балха увттабар. Из хоам газетага бир Мехкадаь зарбан болх лелабераша.
«Республикал арахьа болх бе моттигаш лехарашта новкъостал дергда оаха. 2024-гӀа шу керте лаьца ца Ӏеш, 2030-ча шерга кхаччалца дӀахьоргда, болх бе моттигаш кора ца йоагӀаш лелача наха гӀо деш дола гӀулакх.
Цу юкъе ба дегӀа могашал эшаеннараш, тӀема ветеранаш», - белгалдир Келаматанаькъан Махьмуд-Ӏаьлас.
Республикан кулгалхочо теркалдир, болх бе моттигаш хиларо дуккха хӀама тоаделга. МоллагӀа волча, къахьега ловча сага бокъо я шийна могар кхолла, цох боаггӀаш бола мах эцаш ваха.
