ГӀалгӀай къаман
юкъара газет

Къаман библиотеке кийчо еш ба, библиотекай юкъарча денга

ГӀалгӀайчен Янданаькъан Жамалдий цӀерагӀча къаман библиотеке кийчо еш ба библиотекай Россе юкъарча денга. Маьтсела бетта 27-ча дийнахьа, шоай балха цӀай долаш, цар дӀахьоргья дукха хоза кхетаченаш, цига дакъа лоацаш хургба библиотеке хьаухаш бола нах.

«ЦӀай дола ди дӀадоладергда лаьрххӀача гулламгара, цул тӀехьагӀа библиотеке книжкай гойтам хургба, «Россе белгалонаш» яхача олимпиаде котбаьннача дешархошта совгӀаташ лургда, паччахьалкхен, республикан исбахьален искусства паччахьалкхен Ӏаьдалий болхлоша библиотекан кулгалхошца кхетаченаш ергья. ГӀалгӀай паччахьалкхен 100 шу дизара хетадаь сурташ доахаргда. «БӀаьсти книжкаца» яхача суртий боламе гуллургболаш ба дуккхабараш. Дешара зале «Сона дукха деза Лермонтова мугӀараш», «Вай багахбувцам», «Литературни жовхьар» яха проекташ йовзийтаргья. Кхоллама даькъ тӀа гулбеннарий моллагӀа бакъахьа хета оагӀув хьаллоацаргья оаха», – аьлар «Сердало» газетага ГӀалгӀайчен къаман библиотеке.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде