Къаман библиотеко гойтаме дакъа лаца бех бахархой
Къаман литературе, ӏилман вахаре къахьийгарашта лаьрхӏа ши гойтам хьабийллар къаман библиотеке. Гӏалгӏай къаман вахаре лоархӏаме лар йита волча цӏихезача байтанчах Вешкаранаькъан Султана Мухьмадах, историках Дахкилганаькъан ӏадрахьмана Шукрех дувцаш да гойтамаш».
Гӏалгӏай къаман вахаре белгала волаш лаьттача шин сага кхоллама наькъаш довза йиш я цига. Исбахьален деша говзанч хиннача байтанчан, исторецара вахара оагӏонаш тохкаш хиннача ӏилманхочун - цу шин сагах дувца дукха да тахан», - дийцар «Сердалога» библиотека болхлоша.
Белгалде деза, иштта дола къаман наха цӏихеза, лоархӏаме лар шоашта тӏехьа йита нах дӏабовзийташ дола гойтамаш увттадар къаьстта кхувш латтача къонача тӏехьенна лоархӏаме долга. Шоай хӏамах дог лазаш, къаман вахаре белгала лар йитараш массанена бовзаш хила!
