ГӏалгӀайчен Къаман библиотека Ерригроссийски яхье котъяьлар
ГӏалгӀайчен Янданаькъан Жамалда цӀерагӀа Къаман библиотека «ДикагӀа дола профессиональни шера книжка-2024» яхача яхье котъяьлар. Цу толамца Российски къаман библиотека кулгалхочо Цыпкин Дениса дег чура даькъалайийцар ГӏалгӀай Республикан Къаман библиотека кулгалхо Гӏазданаькъан Радима.
«Яхье хиннача «Профессионала новкъостал» яхача даькъе хьалхара моттиг яьккхар, из кийчдир ГӏалгӀайчен Къаман библиотека Ӏилма балха даькъ тӀарча кулгалхочун гӀонча йолча Пхьиленаькъан Марета.
Оаха чӀоагӀа гӀаддаха тӀаийцар из хоам, даькъалаювц Мочкъий Марет, цун боккхача къахьегамца. Цун статья, ГӏалгӀай Республикан Янданаькъан Жамалда цӀерагӀча Къаман библиотекан «Ӏилма-тохкама болх: лаьрхӀар, вӀашагӀдоллар, хаттараш, уж кхоачашдар» яхаш я», - аьлар «Сердало» газетага ГӏалгӀайчен керттерча библиотеке.
«ДикагӀа дола профессиональни книжка-2024» яхача ХӀӀ-ча Ерригроссийски яхьа «Библиотекашта -дикагӀа дола книжкаш» оалача даькъе толамаш белгалдаьхар 37-ча халкъашта юкъерча книжкай Московски ярмарка доазонашка.
РНБ сборника чудоагӀаш да, Россе федеральни кураш тӀарча библиотекай Ӏилма хетадаь тамашийна тохкама балхаш. Цига гуш да центральни библиотекай а, къамий библиотекай а говзанчий балхаш. Цар доккха дакъа дӀалоац библиотекай къахьегама юкъе, Ӏилма-тохкама болх вӀашагӀболлача.
