«Вахара хьалаш» яхача къаман проекто Магӏалбика куц хувцаш латт
2019 шера денз, къаман проекта чудоагӏаш, Магӏалбик-Шахьаре дукха балхаш деш латт, Россе Президента Путин Владимира тӏадилла декхар кхоачашдеш. Юххьанца из проект «Фусам, шахьара хьал» яхаш яр, хӏаьта карарча хана цо кхыча цӏерах лелабу из болх - «Вахара хьалаш». Керттера белгало я цу балха бахархой юкъебоахаш хилар - дика хьалаш хьакхоллара эшаш йола моттигаш хоржаш я ерригроссийски онлайн-кхадж тассарца. Цу тайпара хьалаш юкъедахаро таро лу бахархошта саготагӏа дола хьашташ довза.
Гаргарча шерашка, Магӏалбике 32 юкъара доазув тоадаьд, уж дуккха а дикагӏа а да, хозагӏа да хинначул, Бахархой цига салаӏа йиш йолаш, паргӏатта шоай мукъа ха дӏаяхьа йиш йолаш ба. Уж хувцамаш юкъедалар бахьан долаш, шахьара куц тоаделар, салаӏара йола паргӏато йоккха я, тайп-тайпарча наха лаьрхӏа йолча таронашца ювзаенна. Вӏаштӏардаьча цӏеной коашка хьайийллай спортивни майдаш, наькъа такилгаш даьд, массанахьа сердал я.
Из дикача оагӏорахьа ӏаткъаш да Магӏалбика бахархошта. Цу дерригане а хьагойт, тахан вай паччахьалкхено йоакхо еш из хилар, цун новкъосталца дукха юкъара моттигаш тоаяь хилар, вай кхоане лерттӏа дегӏаяйтара даим къахьегаш хилар.
