Наьсарерча наркотикаш лелаяьча сага бехк бергба, полицена духьале ярах
Наркотикех тийша лелаш волча Наьсарен вахархочунна бехк бергба уж лелаярах а полицена цу духьале ярах а, яхаш, дийцар «Сердало» газетага ГӀалгӀай Республике гӀолла йолча МВД.
Наьсаре гӀолла йолча ОМВД патрульно-постовой служба болхлоша из соцавир «Мерседес-Бенц В212» тайпа автомобилаца, кораш баьддаь, хила деза водитела каьхаташ а доацаш воагӀача хана. Шийга Ӏаьдала болхлоша каьхаташ хьагойта аьлча, 30 шу даьнна, къаьгга наркотикаш теха хилар хьагуш вола транспорта водитель шозза водачара ваьлар. Цкъа хьалаьцачул тӀехьагӀа, цо полице болхлочун дегӀа низ тӀабихьар, цун тӀабувхабу балха гӀирс бохабир, иштта Ӏаьдала машина кизгаш дохадир.
Цул тӀехьагӀа из кхаьчар отделе, дегӀаца наркотикаш йий хара лорашка чакхвала аьлча, корзагӀваьнна хьайзар.
МВДболхлоша административни протоколаш оттадаьд РФ КоАП 6,9 статьях ( лораш хьожаяь а йоацаш, цо наркотикаш лелаярах).
Из бехке ву РФ УК 167 статьях ( лаьрххӀа наьха доалахьардар дохадарах), 318 статьях (Ӏаьдала болхлочунна низ тӀабахьарах).
