Шахьара бахархоша яхачох, шозза из хаттар ийца шоай администраце баха хиннаб уж, бакъда Ӏаьдало цхьаккха тайпара теркалдац цар хаттараш. Оаха, тхоай аргӀах МагӀалбика мэре из хаттар тӀадолаш каьхат дӀадахьийтад, цу гӀулакхах бехктокхаме бола нах оарцагӀбаха дагахьа. Урамашкара сердал луш дола бӀоагӀий тоадар е кхыдола цунца дувзаденна бахьан юстардаккхара цунах хоам бе», - яхаш, дувц газетага ГIалгIайчен халкъа фронто. Цул совгӀа, МагӀалбика шоллагӀча зӀамигача кхале, бийсан да воаца жӀалеш лелаш хул, цудухьа бахархошта из хьал унзара да.