ГӀалгӀайчен Ӏилма - бӀаьшерен гӀулакхашта юкъе
ГӀалгӀай республикан Янданаькъан Жамалда цӀерагӀча Къаман библиотеке гӀалгӀай Ӏилмай диссертацей балха гойтам хьабийллар. Из хетабаь бар, «ГӀалгӀайчен Ӏилман бӀаьшерен чудоагӀаш», аьнна, гӀалгӀай паччахьалкхен 100 шу дизара. Из хьабеллача хилар хьаьший, тайп-тайпарча дешара моттигашкара баьхка,; цу юкъе ГӀалгӀай Республикан Дукхача дешара доакъоех латтача колледжа студенташ, хургбола програмисташ, лораш а болаш.
Цу Ӏилман гойтаме теркам тӀабодаш хилар, ГӀалгӀайчен тайп-тайпарча Ӏилмай доакъош тӀа кхеллача диссертацеш балхаш, цу юкъе истори, политологи,экономика,социологи, культура, литература,кхыдола Ӏилма балхаш а долаш. Дукха балхаш да цу гойтаме къаьстта гӀалгӀай паччахьалкхен 100 шу дизара хетадаь, карарча шера специализе, исторе, политика, экологе болх цу белгалонех дӀахьош ба.
Ӏилма, паччахьалкхе вай дегӀаахара юкъарлон ца хилча даргдоацача шин даькъах латташ да, уж шоайла айхха бувзам болаш а да. Цар цхьана бувзам лелабеш хилар лоархӀаме а да, Ӏилман тохкамаш, паччахьалкхен политика цхьана хиларах тайп-тайпарча доакъош тӀа, дешаргара унахцӀенонга кхаччалца, дика пайда боал.
Вай Ӏилма болх безаш а из бешаш а болчарна, Ӏилма гуш да гӀалгӀай Ӏилма-тохкама болхлоша баь болх дукха болга. Ӏилман тохкамаш дукха толамаш даьхад исторически Ӏилмай кандидата Аькхенаькъан Х. А., политически Ӏилмай доктора Сампенаькъан И.М., технически Ӏилмай доктора Малсаганаькъан А.А., технически Ӏилмай доктора Сампенаькъан А. Б., Ӏилманхоша-историкаша: Матенаькъан Т. Х., Кокурхой Д. С., Ховтанаькъан Р. С., Йовлой Л. М.; Ӏилманхоша-экономисташа: Дзовранаькъан М. А.,Булгучанаькъан М. Х., Чуранаькъан Л. А., Гуцаранаькъан М.С., иштта кхы дуккхабараша а.
Ӏилман балха цхьа дакъа го йиш я Ӏилма-тохкама лоаццача маӀанца, е юкъера хьаийцача белгалон дешашца.
Цул совгӀа, гойтаме го йиш я ГӀалгӀай республикан Къаман библиотека говзанчий болх, цхьаболчар.
