Наьсаре дакъа лоацаш я, шахьара дика хьалаш хьакхоллара йолча яхье
Наьсарен Ӏаьдало юха а дакъа лоац Ерригроссийски зӀамагӀча, исторически шахьарашка дика хьалаш хьакхоллара проекташта лаьрхӀа дӀахьоча яхье. Карарча шера шахьаро дехар чулургда Коталон Аллея доазув тоадеш, яхаш, дийцар «Сердало» газетага шахьара администраце.
Наьсарен Кулгалхочо Оздой Руслана кхетаче дӀайихьар «Партисипация» КБ командаца, иштта бехктокхамеча говзанчашца, цу юкъе тӀахьожам лоаттабу заместитель Мархенаькъан Милана а архитектуран даькъа кулгалхо ЦӀечой Басир а волаш. Цига дийцар дехарашта кийчо ярах.
«Тха тоаба барт болаш а чӀоагӀа а я. Вай декхар да Коталон Аллея тоаярал совгӀа, кхыдола салоӀама хьалаш хьакхолла», - аьлар Оздой Руслана.
Бюро тоабан дика балха говзал я:2024 шера проект техкар, цо шахьара 100 миллион сом пайда бир Ӏам тоабара, из болх дӀаболабергба карарча шера маьтсела бетта.
