Вахар хаьдача Ӏаьдала болхлошта хетаяь, футбола яхь хилар Наьсаре
Вахар хаьдача Ӏаьдала болхлошта хетаяь футболах йола яхь дӀайихьар, Овшанаькъан Рашида цӀерах йолча Наьсарерча стадионе. Из хоам «Сердалога» бир цу гӀулакха хьалхаэттараша.
«Шин хӀаманца вӀаший гаргаера кхетаче- МВД болхлой боабаь 21 шу даларца, дерригача дунен берий футбола денца. Шо-шоаш котбала гӀерташ бар къона футболисташ. Тоабан болх боаггӀача боараме вӀашагӀболла аьттув баьлар цар», - дийцар тха газетага.
«Спортацара кхетаче хинна Ӏацар из ловзар, СВО доакъашхой дезалаш хьаллоацаш, берригаш вӀашкаозаш моттиг яр из. Массахана цхьана, вӀаший барт, безам болаш хилар мел лоархӀаме да хьагойтар цу моттиго, моллагӀа ха яларах, спорт даиман хила еза сага вахаре», - дийцар «Даьхен лорбой» яхача ганза моттигерча филиала кулгалхо волча Оздой Муслима.
