ДIа-хьа доалача лазарашта духьала болх барах дувцаргда республике
Кхайкора (туберкулеза) духьала болх дIакхахьара дерригача дунен Ден хетаяь кхетачеш я укх бетта 24-ча денгара 30-ча денга кхаччалца вай мехка дIахьош.
Республикерча фтизиопульманологе моттиге дIайихьача кхетаче дийцар кхайкорах, цох мишта лоравала веза, малагIа дарба де деза. «Сердалога» дийцачох, цига гулбеннабар нахцIенон гIулакхех йолча министерствон болхлой, юкъарлон палата доакъашхой, дарбанчешкара болхлой, иштта кхыбараш.
Кхетаче къамаьл дир фтизиопульманологе моттига керттерча лора Лоалахой М.А., торакальни хирург волча МургIустанаькъан И.Б., цу оагIон кулгал деча Баркинхой Ж.М., лор-фтизиатор йолча Балайнаькъан М.М.
«Кхетаче дийцар тахан цу лазарцара гIулакх вай мехка мишта латт, цох лоравалар мишта хила деза, иштта из хьакхийттачул тIехьагIа эггара хьалха де дезарех», - хоам бу унахцIенон гIулакхех йолча министерствос.
