Искусствон колледже кӀира дӀадоладелар «ЛоархӀамеча къамаьлагара»
ГӏалгӀай Паччахьалкхен искусствон колледжа даькъ тӀа керда дешара кӀира дӀадолалуш дика вӀашагӀделлар «ЛоархӀаме къамаьл». Къамий цхьоагӏон Ди дезду массаза, Россе шахьарашка лайчилла бетта 4-ча дийнахьа. Цунна хетаяь яр кхетаче а.
Из дӀахьош хоалуш яр наьха дегай йӀовхал, цар безам. Студенташа, хьехархоша хозача дешашца къамаьл дир, Россе шахьарех лаьца дукха аьлар. Вай мехка хӏара шахьар - из духхьал карта тӀара моттиг хинна Ӏац, из наьха бӀарчча вахара никъ ба. Шоайла къамаьл хиларо таро елар доакъашхошта российски шахьарий тамашийна дуне довза, шоашта дайнар дийцар, шоаш хиннача шахьарашка бахача наьха вахарах дийцар. Хьехархоша исторически тамашийна моттигаш йовзийтар, царех долча дувцарий масалаш доаладеш», - аьлар «Сердало» газетага цу дешара моттиге.
Россе цхьоагӀон тема керттера яр «ЛоархӀаме къамаьл» яхача даькъ тӀа. Доакъашхоша дийцар тайп-тайпарча культурай викалашта, къамаьла майда хулаш хьайоагӀача шахьарех. Россе шахьарашка бахача наьха Ӏадаташ тамашийна вӀаший дувзалуш хул, цо ший тайпара бу вай мохк. ЛоархӀаме да вай юкъарча культуран тӀехьален мах бараш довзаш хилар, иштта Россе къамий цхьоагӀо лораяр.
