Наркотикаш йохкарах, ГӏалгӀайчен вахархо суде кхаьчар
27.12.2024 14:06
Наьсарен вахархочун кхел йир, бокъонаш телхаеш цо чӀоагӀагӀа йола наркотикаш лелаеш хиларах, яхаш, хоам бу «Сердало» газетага мехка бокъонаш лораераша.
«ГӏалгӀай Республикан Магасерча судо уголовни гӀулакх тохкаш гучадаьккхар, цу сага бокъо йоацаш пхи грамм хиллал йола молхаш лелаяь хилар. Дӏахо а уж йохкара тӀехьа хиннав из, цу тайпара цунгара яьхар трамадол оала 9 грамм хиллал йола молхаш», - йоах хоамо.
Уж еррига унзара молхаш цунгара яьхаяр дӀадахача шера оагӀой бетта, цун цӀагӀа чухьожача хана.
Судо дӀалаьрхӀар бехк беш волча паччахьалкхен болхлочо яхар, цудухьа цунна кхо шу набахта валла ха техар. Из хьалхагӀа а лаьца ваьллав. Цул совгӀа, Ӏаьдала 20 000 сом гӀод токхаргда цо.
