«Вайнах» яхача НКЦ Краснодарски мехка гӀалгӀай метта Ди дӀадихьар
27.05.2024 14:58
«Вайнах» яхача Краснодарски мехкарча «Къаман культуран центр» оалача юкъарча цхьанкхетаро гӀалгӀай метта Ди дӀадихьар, яхаш, дийцар «Сердало» газетага республикан миннаце.
«Дика кхетаче яр ГӀалгӀай паччахьалкхен 100-шу дузаш хилара хетаяь, Сочи-Шахьара кагирхой цӀагӀа дӀайихьар из. Цу хозача кхетачене дакъа лоацаш хилар, Краснодарски мехка дахаш дола гӀалгӀай бераш. Цар байташ йийшар гӀалгӀай меттала, массанена езаш йола гӀалгӀай гимн лекхар», - йоах хоамо.
Уж мо дола дика гӀулакхаш дӀакхахьар бахьан да, хӀара бер ший наьна мотт ховш а из безаш хилийтар, Даьхенцара безам совбаккхар, гӀалгӀай метта а къаман культуран а мах хар.
