420 бера лаьрхӀа ишкол хьалъеш латт Йоккхача Ачалкхе
Къаман беркатеча «Дешар» яхача программага гӀолла цхьаькха керда ишкол хьалъеш латт, Йоккхача Ачалкхерча Горни оалача урам тӀа. Ши гектар хиллал дола доазув дӀалаьцача ишкола ший наӀараш хьаелларгья, 420 дешархо тӀаэцаш. Кхозза вӀаштӀараяь ишкол, таханарча хано дӀадеххача тайпара, тоаяь хургья. «ЦӀенош дер» яха гӀишлош ю фирма я из болх шийна дӀатӀаийцар. Таханарча дийнахьа 45% кхоачаш болх ба йистебаьннар.
«Фронтонаш тохаш, кораш дӀаоттаде деза моттигаш нийсъеш, тхов туллаш, ток чуюллаш, кхыдола чура балхаш деш, боахк къахьегамхой. Ер шу йистедоалаш, кийча хила езаш я ишкол», - дийцар «Сердало» газетага гӀишлошъяра Министерствос.
ХӀара керда ишкол – вай мехкара дешара хьал тоадеш баьккха гӀа ба. Берашта, хьехархошта йоккха паргӀато я йизза латтача ишколашкара кердача, паргӀатача ишколе дӀачубахар.
