Футбола лаьрхӀа доккха доазув хьаделларгда вайцига
29.07.2024 09:20
Россе спорта кулгалхочун хьалхара гӀонча волча Байсултанов Одесаца, Москве кхетаче дӀайихьар вай мехкарча спорта гӀулакхех йолча Министерствон хьалха латтача Белхарой Руслана. ВӀашагӀкхетаре дийцар, вай республике 3000 сага лаьрхӀа футболах ловзарашта моттиг хьаелларах. Из хоам «Сердалога» бир мехка кабмино.
«Керда майда футбола, яйгача атлетиканна лаьрхӀа хургья; цул совгӀа, йоккхий яхьаш дӀакхухьаргья цига. Из хӀама могадаь, дукха ца говш республике воагӀаргва ше, аьлар Байсултанов Одеса», - йоах хоамо.
Геттара дика, таханарча хано дӀадеххача тайпара кийчъяь латтача моттиго лакха говзал йола футболисташ кхебе беза вай мехка. Цул совгӀа, спортаца бувзам лелабераш а дукхагӀа баржарга сатувс.
