Керда гӀашлой наькъаш дехкаш, бордюраш увттаеш ба Наьсаре
18.08.2025 11:08
Керда гӀашлой наькъаш дехкаш, бордюраш увттаеш болх ба, Наьсаре дӀаболабаь. Из хоам «Сердалога» шахьара администраце бир. «Шахьарерча Сулейменова оалача ураме кӀалхара кӀийле нийсъеш, гӀашлой наькъашка тохаш йола плитка Ӏоюллаш боахк карарча хана», - йоах тхогарча хоамо.
Бахархошта паргӀато еш хургба из никъ, тоабаь баьлча. Шахьара дас Оздой Руслана, цун тӀехьа латтача тоабо йоккха терко лоаттаю цу балха, шахьара куц ма хулла тоаде, хозде гӀерташ.
Наьсарерча бахархошта, хьаьшашта паргӀатагӀа хургйолаш, дӀахьош боккха болх ба из.
