Наьсаре цӀайца ювзаяь керда гӀишло хьалъергья
Сийлахь-боккхача Даьймехка тӀем тӀа Котало яьккха 80 шу дузара цӀай дӀадахьа кийчо еш я, цунца ювзаенна хургья Россе Турпалхочун Оздой Мурада цӀихезача фецарча кеман мотор-сийленг довзийташ йола гӀишло.
Ехача истребитела Як-7Б доакъош корадир тохкама балхаш дечарна 2024 шера Псковски областе. Номер тӀайола, цу тӀа гӀалгӀай лётчик ваьгӀа хилара тешал деш бола мотор, кхыча доакъошца цхьана турпалхочун мехка хьабенаб. Карарча хана, из ба МагӀалбикерча тӀема сийлен музее.
ГӀалгӀай Республикан Кулгалхочун, Паччахьалкхен зарбан болх лелабераша беча хоамах, из цӀихеза лётчик тӀема декхараш кхоачашде вахар 248-зза, бархӀ моастагӀчун миха кема чудахийтар цо.
Керда гӀишло, Оздой Мурада мехка исторена юкъе дакъа лацара, денала, майрала белгало тӀайолаш хургья.
