Заьзгакъонгий-Юрта керда хий чудулларгда
31.07.2024 15:00
Заьзгакъонгий-Юртарча Кавказски оалача урам тӀара, 250 метрага кхоачаш йола тишъенна хин турбаш хувцаш боахк болхлой. Из хоам «Сердалога» бир «Хий лоаттадара гӀулакхах ЦаӀ волча оператора» ГУКП яхача оагӀоно.
«Телхача турбашта меттел, чуйоахкаш латт ханахьа йохаш йоаца дикагӀъяраш», - йоах тхога кхаьчача хоамо. Хицара кхоачамбоацараш духьалдувлаш, хала кхеста безаргбац цига бахача наьха хӀанзчул тӀехьагӀа.
Ахкан хана геттара ла хала дола из гӀулакх, аттачахьа далар хам баь варгвоацаш да.
