МагIалбика кхале керда ТИК хержар
Таханарча хоржамий бокъонга хьежжа йола моттигера хоржамий комисси вIашагIъеллар МагIалбике. Цунна кулгалде юха а Мержой Исраил хержар. Белгалде деза, хIанзалца болх дIахьош, цо ше дикача оагIорахьара хьавовзийталга. Цо кулгал деш боккха болх дIакхихьаб боаггIача боараме.
«ХIетта хержача ТИКа юкъера кулгалдергдараш хьакъоастабеш болх дIабихьар. Кулгалхочун гIонча волаш, декхараш кхоачашдеш хургва Доврбиканаькъан Илез, комиссе секретарь - Къулбажанаькъан Лейла. Цу кхетаче дакъа лоацаш вар республикерча Хоржамий комиссе кулгалхо Йовлой Муса. Комиссе доакъашхой болх дIаболабарца даькъалабийца, шоашта хьалхашкара декхараш бокъоно дIадеххача тайпара бехктокхаме дIадахьар мел лоархIаме да белгалдир цо», - дийцар «Сердалога» цу моттигера.
МагIалбика кхален ТИКо ший болх дIаболабир. Комиссе доакъашхой шоай гIулакх дизза, боаггIача боараме дIадахьа кийча ба.
Цу оагIон доакъашхой балхага хьежжа хургда, хила дезача хоржамий гIулакх а.
