«ГӀалгӀайче» яхача ансамбла кулгал деш Оздой Ахьмад хургва
27.05.2025 12:32
«ГӀалгӀайче» яхача къаман халхара ансамбла кулгал деш, Оздой Ахьмад хургва. Из хоам «Сердалога» бир цу оагӀонцарча министерстве.
«Ерригача тоабан лоархӀаме хӀама да из. Оздой Ахьмада из болх дӀатӀабуллаш, культуран гӀулакхех йолча министерствон хьалхалаттача Лаьнанаькъан Залинас белгалдир, из саг ший болх боаггӀача боараме дӀахьош хьавоагӀаш волга. Ансамбла кхоллама никъ дӀахо а тоалуш хургхиларах дог тийша я министр», - йоах тхога бенача хоамо.
«Ший болх бехктокхаме дӀахьош хиларо саг дикка гаьнавоаккх караийцача наькъ тӀа. Аьттув болаш, иразе, беркате хилда шун гӀулакхаш», - аьлар министра Оздой Ахьмадага.
