БПЛА зийча фу де деза хьалхадаьккхар бахархошта
АТК доакъашхоша кийчъяь йола БПЛА зийча, фу де деза хьалхадаьккхар бахархошта Миннаца болхлоша шоай телеграм - оагӀонга гӀолла. Из хоам «Сердалога» бир цу оагонцарча къахьегамхоша. Тахан Россена духьалбараша теракташ е аьнна гӀетташ дола саг чувоаца гӀирсаш доаржадеча хана, белгалдеш дола хӀамаш чӀоагӀа лоархӀаме да кхерамзлен хьал лорадара тӀехьа.
«Сигала шоашта БПЛА яйча, телефон дӀатоха Россе ФСБ 8(800) 224-22-22; УФСБ России ГӀалгӀай республике гӀолла йолча Россе УФСБ - 8 (8734) 55-16-28; Сиха г1о деш йолча моттиге - 102,112», - йоах хоамо.
Бахархошта кхераме хила йиш йолча БПЛАх мишта лоравала веза йоах цу тӀа. Шоашта лакхе гӀолла из гӀирс бодаш зийча, фу де деза белгалду. 112 номерах телефон дӀатеха, малагӀча доазон тӀа оашош из зийнай дӀаала деза. Иштта бахархошта хьалхадоаккх, шоай лоӀаме цунна духьала цхьаккха хӀаме де йиш йоацилга: из чуяйта гӀерташ, видео йоаккхаш, Ӏоежача БПЛА кулг тоха гӀерташ. Уж деррига хӀамаш чӀоагӀа лорадеш, фийла волаш хила веза; иштта тешаме йоаца ха латтача хана.
