1992-ча шера гурахьа эттача хатарах дийцар, Яндарерча культуран цIагIа
29.10.2025 14:50
«ГIалгIай къаман хало» яха, 1992-ча шера гурахьа эттача хатара хетаяь кхетаче дIайихьар, Яндарерча культуран цIагIа.Цу чу болх беш йола Йовлой Мадина яр берашца из болх дIахьош хиннар. ХIирашта, гIалгIашта юкъе эттача доккхача довно дукхача наьха вахар хоададир, Iазапе оттабир, юрташ йизза баьха нах шоаш мел Iоадаьчох баьнна, даьй лаьтта дита арабаьлар.
«ГIалгIай къаман вахаре цIаккха а дайлургдоаца денош дар эттараш. Итташ шераш дIадахад цу хана денз, бакъда дега човнаш ерзаш яц, дукха нах ба тахан а де доацаш байна», - дийцар «Сердало» газетага Йовлой Мадинас.
Цхьаккха бехк боацаш вахарах дохадаьча адамий дегашка из бала байлуш бац. Тахан вай дагалоац цу хатара юкъе вахар хаьдараш, Iазапе эттараш.
