ГӀалгӀайчен исторех дийцар, Волгограда кхувш йоагӀача тӀехьенна
ГӀалгӀай паччахьалкхен университетá; Волгограда паччахьалкхен культуран, искусствон институтá юкъе лелабеча бувзама чудоагӀаш, ВГИИК гуманитарни дисциплинай кафедра профессора Болдырев Юре «ГӀалгӀайчен исторе сий дола оагӀонаш: нах, хиннар, ханаш» яхача темах дола къамаьл дир «Росси - са истори» яхача Волгограда исторически парке.
Лекцега ладувгӀаш хиннараш бар Волжски №1 йолча лицея боккхагӀа бола дешархой, Волгоград-Шахьара №17 йолча гимназе дешархой, иштта РФ МВД Академе курсанташ, Московски финансово-юридически филиала О. Е. Кутафина цӀерагӀча университета студенташ.
Верригаш 130 саг вар цу кхетаче. Из дӀахьош яр, Российски Федераце Президента ГӀалгӀай Республикан 100 шу дузаш хилара цӀай гаргагӀарташ хиларца дувзаденна тӀадиллача декхарах», - аьлар «Сердало» газетага ГӀалгӀай паччахьалкхен университете.
Лекци хетаяь яр ГӀалгӀайчен ханашта, хинначунна, мохк дегӀабоагӀача ший лар йитача исторена. Юрий Федоровича дийцар ГӀалгӀайчен гӀалаех, архитектурах, культурах, исторически лоархӀамеча хьалех, гӀалгӀай къаман Ӏадатех, гӀулакхех лаьца.
