ГӏалгӀайчера экспорта лоаттабу юртбоахама кхача США 18 млн доллара маьхе ба
ГӏалгӀайчен халкъашта юкъерча базара хьал чӀоагӀдаьд 2024 шера, экспорта лоаттаеш йола юртбоахама продукци США 18 млн доллара боарам болаш хиларах. Из иштта хилар бахьан да «АПК продукце экспорт» яха моттигера проект вӀашагӀъелла хилар, яхаш, дийцар ГӏалгӀай республикан Кулгалхочун, Паччахьалкхен зарбан болх лелабераша.
Федеральни таможенни гӀулакхо яхачох, юртбоахама кхача баккхара хьал 4,6 дукхагӀа да планах хила дезачул. Экспорта кхача лоаттабеш дола керттера мехкаш да Юхера Малхбоале, Кавказал арахьардараш, цига дӀабахьийтаб 86,5 эзар тонн кхача.Эггара дукхагӀа продукци лоаттаяьраш я «Колос» ООО яха хьоар доаккха завод. 2025 шера Ӏаьдало экспорта дӀабохьийташ бола кхача 9,1 млн дукхагӀа хулийтаргба.
ГӏалгӀайчен кулгалхочо Келаматанаькъан Махьмуд-Ӏаьлас белгалдир:«Со тешаш ва, агропромышленни комплекс дегӀайоалаяра наькъ тӀа вай доазол арахьарча новкъосташца экономически бувзам чӀоагӀбергхиларах, иштта республикан юртбоахамах хьабоалаш бола пайда тешшаме лакхагӀа хулийтаргба».
Цул совгӀа, мехка болх беш хилар тӀахьожам беш бола нах, кхачан продукце мах цхьан боараме латтаргболаш. Юртбоахама министерствос каст-каста наха дӀаийдеш долча, къаьстта Рамадан бетта, кхыдола цӀайш долаш товара маьхаш миштад хьожаш болх бир. 2024 шера 11 ярмарка дӀайихьар, тайп-тайпарча доал дара доакъош тӀа, бахархошта эшаш дола кхачан даараш лоаттаде дагахьа.
