ГӏалгӀайчен кредитах дола декхар 81 млн сома кӀезигденнад
15.05.2025 15:23
2025 шера хьалхарча кхаь бетта, ГӏалгӀайчено гойтар ахчан хьал леладара даькъ тӀа дика толамаш доахаш хилар: кредитах дола декхар 81,1 млн сома кӀезигагӀа хилар. Хӏанз из да 1 349,0 млн сом.
Керттера хувцамаш хилар вахаре лоархӀаме долча даькъ тӀа, цу юкъе коммунальни декхар, йоал дӀаялар а долаш, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша.
ГӏалгӀайчен Кулгалхочо Келматанаькъан Махьмуд-Ӏаьлас белгалдир, цу толамо хьагойталга ахчанца дувзаденна хьал нийса леладеш хилар.
«Дӏадала дезаш дола декхар кӀезигагӀа хилар - Ӏаьдала ерригача органий керттера декхар да. Оаха лаьрхӀар - из лаьгӀдаь а ца Ӏеш, бюджета хьалхашка ма хулла кӀезига дар», - аьлар субъекта кулгалхочо.
