«Сердало» газето 30 шу дизарца даькъалайийцар ГIалгIайчен къаман библиотека
В преддверии Общероссийского дня библиотек в Ингушетии состоялось событие, которое привлекло к себе широкое внимание общественности. Свой 30-летний юбилей отметила Национальная библиотека Ингушетии им. Дж. Х. Яндиева. Поздравить главную библиотеку региона с этой славной вехой в ее истории пришли деятели культуры и искусства, писатели и журналисты, руководители министерств и ведомств Ингушетии, преданные читатели и все, кто стал свидетелем гражданского подвига директора НБ РИ Радимы Газдиевой и ее единомышленников, вставших три десятилетия назад у истоков рождения великого начинания. Участие в праздничном юбилейном мероприятии принимали также сотрудники Общенациональной газеты «Сердало» во главе с главным редактором издания Хадижат Курскиевой.
Цу лоархIамеча денца уж даькъалабувца баьхка хилар культуран, искусствон болхлой, йоазонхой, журналисташ, ГIалгIайчен министерствай, ведомствай кулгалхой, книжкаш дешара тIерабараш, ГIалгIай Республикан къаман библиотекан кулгалхочунна ГIазданаькъан Радимхана мутIахьа мел бараш.
Цу цIайна хетаяьча кхетачен юкъе дакъа лоацаш хилар къаман юкъарча «Сердало» газета редактор Курскенаькъан Хадижат.
«Къаман юкъарча «Сердало» газето дег чура даькъалаювц Хьо а, иштта ГIалгIайчен къаман библиотекан еррига коллектив а 30 шу дизарца, — аьлар Iадрахьмана Хадижата, ГIалгIай Республикан къаман библиотека кулгалхочунга, Российски Федераце культуран цIихезача болхлочунга. — Ткъаь итт шу хьалха оаш а шуца уйла цаI йолча наха а доккха къаман тIехьален гIулакх хьаллаьцар, тахан из го а цун мах бе а йиш йолаш да вай. ГIалгIай къаман мах баь варгвоацаш йолча культуран тIехьален овла тохкаш, халагIйолча исторе ханашка вай къамо доадаь хинна мах бола дакъа, кIезиг-кIезига тохаш, вIашагIтехар оаш. Цу халача ханашка; ГIалгIайчен керттерча, хIаьтта мара болх бе йолалуш йоацача библиотеко, къаман культуран лард чIоагIъеш, къахьийгар; эггара бехктокхамегIа дола декхар шийна тIа а ийца.
Лоаццача хана ГIалгIайчен къаман библиотеках дукхагIчарна хьахилар, хьаькъал эцаш, дегIабоагIаш, кхоллама никъ дIахьош, шоайла наха безам гойташ йолча фусама кхуврч. Из хургдацар, хIара денна хьинаре къахьегаш, къамах дог лазаш, къаман истори гулдеш бола нах хиннабецаре.
Сийрда а хьаькъале а болх оаш тахан дIахохьош ба.
ГIалгIай мотт дегIабоалабара, из лорабара, къаман литература доаржадара, мехка Iилма, уйлаш, культура дегIайоалаяра, ГIалгIайчен къаман библиотеко юкъедена дакъа мах баь варгвоацаш да. Уж, мах бола хIамаш, лорадеш хьадоагIа шо.
Укх цIай долча дийнахьа оаха даькъалабувц ГIалгIайчен ерригача библиотекай болхлой.
Аьттув хилба шун лаьрхIачунга кхача.
Могаш а ираз долаш а хилда шо!»
ГIалгIайчен, Янданаькъан Жамалда цIерагIча къаман библиотека 30 шу дизара ди дездеш дар Шолжа-Шахьара культуран цIагIа. Вай доттагIий, библиотека болхлой, мишта безбеш бар цу дийнахьа оаха дукхагIа дувцаргда, тIехьа тIайоагIача хана.
