ГӏалгӀайчен Юкъарча палато дийцар 2025 шера баьча балхах
ГӏалгӀай Республикан Общественни палато 2025 шера баьча балха ший толамаш белгалдир, Магасе кхетаче дӀахьош, яхаш, дийцар «Сердало» газетага из болх вӀашагӀбеллараша.
«АргӀанара кхетаче дӀайихьар Юкъарлон палатан кулгалхочо Ӏамарханаькъан Лейлас, иштта ГӏалгӀай Республикан Кулгалхочун администраце, паччахьалкхен чурча политика урхаллен болхлочо Ӏалбаканаькъан Тамарас дакъа лоацаш. Комиссе хӀара кулгалхочо дийцар баьча балхах, иштта 2026 ше шера де лерхӀачох. Теркама юкъе хилар вахара даькъ тӀа даьха толамаш. Паччахьалкхен хьалаш лоаттадара болх кердача таьрахьашка баккхарах, ГӏалгӀайчен дукхача наха новкъостал де таро хилар», - аьлар хоамо.
Йоккха терко тӀаяхийтар гулбеннараша, ЛаьрххӀача операце мугӀарашка латтача, иштта де доацаш бейнача бӀухой дезалашта новкъостал лоаттадара.
Бӏарчча шера юкъарлонхоша дика дакъа лаьцар, республике дӀахьош хиннача ерригача кхетаченашка. Цар вӀашагӀдехкар лоархӀаме экологически, патриотически боламаш.
