Юкъара болх лелабераш баха хилар, «Ӏунал» яхача цӀен-интерната бахархой болча
ДӀадахача шера тӀеххьарча дийнахьа, «Ӏунал» яхача Эбарга-Юртарча берий цӀагӀа-интернате бокъонца дола цӀай хилар, цигарча бахархошта из даьраш бар Ерригроссийски къамашта юкъерча кагирхой цхьанкхетара ГӀалгӀай Республикан даькъа болхлой. Цу тайпара хоам газетага бир цӀай дӀахьоча моттиге.
«Мехкара тайп-тайпара бахархой гулбеннабар цига унахцӀено дика йоацача берашта кӀеззига мукъагӀа салоӀам бе. Моттигерча бераша хьаьший тӀаийцар гӀаддахарца а, дог ураоттадеш долча лоамарой халхарца а. Бераш йӀаьххача хана халхадувлаш хилар, шоай вахарцара безам а начӀала оагӀув а гойташ. Цул совгӀа, цар дийцар шоай цхьайолча говзалех а дагалаттарех а», - аьлар бераш долча хиннача хьаьшаша.
Шоаш дӀабахале, Ерригроссийски къамашта юкъерча кагирхой цхьанкхетара викалаша берашта 30 мерзача хӀамаех дизза совгӀат дир.
