ГӀалгӀайчен юкъара болх лелабераш, бокс дегӀайоалаяра тӀехьа ба
Ерригроссийски къамашта юкъерча кагирхой цхьанкхетара моттигерча даькъа кулгалхочо Оздой Иналеи бокса федераце президента ГӀазгиренаькъан Лом-Ӏаьласи бартчӀоагӀам баьб, цхьана боксах йола яхьаш чакхйоахаргйолаш, бокс кагирхошта юкъе дегӀакхувларгйолаш, цунца цхьана тайп-тайпарча къамий викалашта юкъера бувзамаш боксага гӀолла чӀоагӀдергдолаш. Из хоам газетага бу кхетаче дакъа лоацаш хиннараша.
«БартчӀоагӀамо дӀадехачох, юкъара болх лелабераша кхувшбоагӀараш цу гӀулакха юкъеэза ца Ӏеш, иштта царна хьехаргдола нах а оарцагӀбоахаш къахьегаргда. БартчӀоагӀама юкъе лоархӀаме моттиг санна лархӀа деза, къоначар а боккхагӀчар а дакъа лоацаш дӀакхухьаргдола дешар. Шинна а оагӀоно лерхӀ бокс шерра йоаржае, дегӀакхувла, цо вай къаманна керда Ерригроссийски а дунен а чемпионатий толамхой лургболаш», - йоах тхогарча хоамо.
